日本任天堂（ Nintendo）將於 2月推出新猷── 3D遊戲機 Nintendo 3DS。但任天堂事先警告小孩子勿玩 3D遊戲，以免 3D影像損害視力。
Nintendo 3DS遊戲機讓玩家選玩 2D或 3D遊戲，玩 3D遊戲時又毋須像看 3D電影或電視那般戴上 3D眼鏡。但任天堂在網頁發出警告，指 6歲以下兒童勿玩 3D遊戲免損害視力，但玩 2D遊戲依然安全，而所有玩 3D遊戲的人，每玩 30分鐘就應讓眼睛休息一會。任天堂 3DS設鎖機手掣，家長可鎖機不讓孩子玩 3D遊戲，只准玩 2D遊戲。
這是繼電視生產商警告 3D影像能導致兒童、孕婦和飲酒人士暈眩後，再有遊戲機生產商示警。業界揣測任天堂發預警是要先發制人，免日後有家長興訟索償。
任天堂 3DS 2月先在日本開售， 3月在歐美上市，售價約 200鎊（約 2,400港元）。
一年一度的香港遊戲界盛事「亞洲遊戲展」（簡稱 AGS），於明天（12 月 24 日）至 27 日假灣仔會議展覽中心舉行。場內可試玩最新的電視、電腦、網絡及手提遊戲，亦有玩具模型展攤，也有遊戲精品拍賣、遊戲製作人分享會，當然少不了 Cosplay 和靚靚 Game Girl 選舉。同樣愛打機的小情侶也好，沒拖拍的單身貴族也好，甚至一家大細，今個聖誕也不愁沒節目了！
跟往年一樣，在眾多展攤中，Sony 的展區依然備受玩家期待。今屆 Sony 特別將展區劃分為體感遊戲及 3D 遊戲兩大區域。
3D 遊戲區必玩推介
Sony 今屆準備了一套 280 吋超巨型投射幕，展示立體遊戲之餘，更即場派發 1,000 副 3D 眼鏡給入場人士使用及試玩，入場人士切勿錯過。當中有幾款新 Game 值得一看，包括 Sony 自家研發的 FPS 遊戲《Killzone 3》、Sega 男女皆喜愛的《Virtual Tennis》網球遊戲，都同時注入體感和 3D 元素。另外亦可率先體驗極受女玩家歡迎的《LittleBigPlanet》即將推出的續集，以及將美式英雄與 Capcom 旗下角色 Crossover 的《Marvel vs Capcom 3》提供試玩，值得期待。
AGS 限定精品放送
每年 Sony 都會在 AGS 提供限定遊戲精品，消費滿指定金額即可免費獲得。限定精品包括《LittleBigPlanet 2》的旅行喼、聖誕玩樂版 Sackboy 公仔、T 恤、暖洋洋坐墊，也有 GT5 炭纖保溫杯、PlayStation 2011 年月曆，以及別注版「MHP x MGS」T 恤等。此外，多位遊戲製作人亦專誠由日本到來與玩家見面，包括《Monster Hunter Portable 3rd》的辻本良三、《Metal Gear Solid: Peace Walker》的小島秀夫、《GT5》之父山內一典及 PlayStation Move 總設計師宮崎良雄等都會出席。
﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏
亞洲遊戲展 2010
日期：2010 年 12 月 24 日至 27 日
時間：每日 10 時至晚上 8 時 (27 日至 5 時)
地點：灣仔會議展覽中心
收費：$28
《Winning Eleven》近年形式同玩法都冇乜大改動，但今年終於認真地改良，加入號稱可以在球場上360度傳球及超過1,000種全新動作，交波系統兼球員AI更真實化，同之前幾代《Winning Eleven》嘅感覺好唔同。更特別係今次Konami在香港推出中英合版《Winning Eleven 2011》，首次加入中文操作介面，仲比日本早出兩星期賣街，夠晒誠意！
Konami可能見本地化設計對銷量真係有幫助，在《Winning Eleven 2011》首次嘗試中英文合版，可以揀選中文或英文介面，同時語音方面就有英文同日文選擇（Xbox 360版只得英文）。除咗中文介面外，今集最明顯改動在於操控系統，需要唔少時間去適應，好似交波咁樣，以前玩《Winning》睇住屏幕下方的能量棒就知力度，但今集卻將這支能量棒變成彩色圓圈放在球員腳底，同時控制力度變得更加重要，冇咗以前一撳掣即可到腳嘅情況，要睇準空位用適當力度，才可交出靚嘅陰濕波入楔，令交波路數和組織靈活性大大提升。
Konami話《Winning Eleven 2011》加入咗超過1,000種球員動作，當然實際有幾多就好難數，但可見到球員攞身位更真實，追波時會膊頭撞膊頭爭位，盤球時細微動作更仔細，加上可以360度傳球嘅新設計，都幾難好似前幾代咁「打Form」搵幾隻快馬屈速，因為今集防守球員的位置感更強，而且AI都提高唔少，速度唔夠高嘅話會用身位搭夠撞開對手，更考攻擊球員嘅過關斬將技巧。好在遊戲都畀番攻擊球員多啲技倆，今集可以做出更流暢嘅假身同插花等動作。
雖然要比實名球隊同球員，《Winning Eleven》始終唔及《FIFA》咁多咁齊，但《Winning Eleven 2011》其實已加入更多實名球會同國家隊，而且除了上集歐洲聯賽冠軍盃模式外，今集仲可玩埋歐霸盃同南美自由盃，係第一套可以玩齊以上三大盃賽嘅足球遊戲。至於一直玩開嘅Master League模式同球員育成模式，今集一樣有得玩。實際操控方面，今集改用更直覺的游標方式揀球員同排陣，加上遊戲節奏和操控都有顯著改動，就算玩開《Winning Eleven》嘅玩家都唔係一下子可以上手。
類型：運動
開發：Konami
平台：PS3、Xbox 360
推出日期：10月14日
售價：待定
查詢電話：2359 7998
《FIFA》足球遊戲年年出，可進化空間唔大，尤其《FIFA 11》買晒球員、球隊、球場License，資料同畫面夠真實已屬預料之內，但睇真啲又唔係冇驚喜，好似今集最勁係可以做埋龍門，落場左飛右撲瓦解對方攻勢，而且可以應用到連線對賽之上，同朋友組隊實現真正11對11，以後Book唔到街場都可晚晚開波！
行版《FIFA 11》用上卡卡搭朗尼做封面，但EA Sports為宣傳今集可以扮演守門員，仲簽咗車路士守門員施治做代言人。施治在遊戲入面的能力值超高，其撲球能力值更數一數二，仲會同真實一樣戴頭套上陣。之前《FIFA》系列引入「Be a Pro」育成模式，今次亦可以為成為頂級守門員而奮鬥，體驗角球打手槌以及撲救12碼，仲可以在生涯模式打足15年。初做龍門唔容易，好在遊戲提供咗AI幫手，可以揀選全輔助或半輔助模式，唔使手忙腳亂，畀人射到手軟！
《FIFA 11》另一新招係加入「個性+」系統，透過EA Sports龐大資料搜集系統，設計出36種屬性及57種特徵去為球員分級，除以往射球、速度等基本屬性外，仲可以刻劃出每個球員在場上嘅特點、慣性同小動作，如卡卡會交出獨到嘅傳球，恩尼斯達會多用急轉盤球過人，朗尼又會拉開同防守球員嘅距離搵位射門。「個性+」系統當然亦會應用在守門員身上，有啲好似施治比較平實冇乜花巧，但有啲就會經常玩嘢，令到每個球員都變得有血有肉，唔再係一堆數據咁簡單。操控方面亦變得更人性化，其實近幾代《FIFA》已經做到傳球唔係話交就交到，今集仲要視乎玩家操控手掣嘅協調性、球員能力值以及球場上形勢做判斷，要在對方球員緊纏下交出靚助攻就變得更難。
之前《FIFA》系列已經做到每人控制一名球員上網對戰，到《FIFA 11》由於可扮演守門員，所以可真正實現網上11對11的玩法，同朋友湊成一隊上網打聯賽。雖然今集遊戲主打仍然係真實感，但都畀玩家更多空間去創造及管理原創球員，只要先到官網下載應用程式，再由外觀開始選擇不同配件及屬性便可打造原創球員，擺落單人模式或同朋友分享都掂。
大家喺自己主場還可以自訂歡呼聲同奏樂，亦可以為原創球員制訂歡呼內容，咁先至係主場吖嘛！
類 型：運動
開 發：EA Sports
平 台：Xbox 360、PS3
推出日期：9月28日
售 價：$329 （Xbox 360）$380（PS3）
體感遊戲戰場鬥得如火如如荼，在昨天開幕的東京遊戲展上，Sony PlayStation 3及微軟Xbox 360均有新體感遊戲曝光，Sony先以6款全新3D體感遊戲，迎戰無手制操控的Xbox 360 Kinect。
「雖然3D遊戲尚新，但我們想先行；新3D體感遊戲適合男女，包括打拳及養寵物等。」Sony Computer Entertainment Hong Kong市場本部市場部推廣主管梁俊豪說。
PS3 配合3D電視潮流
其中3D體感戰爭遊戲《Killzone 3》最快於年初發售，玩家需使用3D電視玩才有3D效果。梁俊豪指，3D電視愈來愈平，旗下最近推出的3D LCD電視，價格約1萬元，料3D遊戲將會普及。
Sony旗下PlayStation 3體感遊戲配件Move前天在港開售，他表示，銷售反應佳，早已收到不少預訂。另外，即將於11月2日推出的賽車大作《GT5》，亦同時支援3D，屆時將推出特別顏色主機配合造勢。
Xbox 兩大遊戲11月上市
對手微軟亦不甘示弱，同樣在會場設Xbox 360 Kinect體感遊戲試玩區，包括尚未在港發表的兩款體感遊戲《腦訓練》及《Your Shape Fitness Evolved》（YSFE），並在場內提供試玩。
首批試玩遊戲以家庭遊戲居多，像《腦訓練》是一款測試大腦年齡的遊戲，透過做出動作指令，訓練玩家手腦反應；YSFE則屬健體運動遊戲，包括做瑜珈及太極，將與Kinect配件同步於11月上市。
「首浪先攻家庭客，早前發布的15款新遊戲，部分會在聖誕及新年假期推出，明年上半年後才開始攻核心玩家。」在場的微軟香港娛樂及設備事業部總監黃鉅添說。
Kinect下一浪攻核心玩家，主打為5款分別以血腥、恐怖及戰爭為元素的體感動作遊戲，昨天乘遊戲展首日之勢，在會場率先發放遊戲片頭預告，讓玩家引頸以待。
新遊戲有操作重型機械人作戰的《重鐵騎》、殺人主題的《Codename D》、騎龍遊戲《Project Draco》。黃鉅添指，5款新遊戲攻資深玩家，初步計劃2011年上市，但或會更早推出。
﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏
第20屆東京遊戲展 info
日期︰本月16日至18日（16及17日接待廠商、媒體等；18和19日開放給公眾）
地點︰東京千葉市幕張國際會展中心（共8個展館）
特色︰新增「流動專區」（Mobile Area）、Sony展示體感遊戲配件PS Move、微軟展示無手柄體感遊戲配件Kinect
參展團體︰約190家海內外公司及團體
攤位數目︰由去年1,367個增至今年逾1,400個
預計人流︰18萬人次
由動漫電玩節開始，好多玩家都問Kinect到底幾時先至有得賣。Microsoft終於在日前公布將會於11月18日推出，定價$1,169（連《Kinect Adventures!》遊戲）。另外，當然唔少得帶埋幾款首輪推出的新Game同大家見面，o靚妹李綺雯同「香蕉」王淑玲更搶先試玩《Kinect Adventures!》，玩到又跳又叫又笑，超High！
Microsoft公布埋同Kinect同日推出的新遊戲，包括《Kinect Sports》、《Kinect Adventures!》、《Kinect Joy Ride》、《Dance Central》同《Kinectimals》。除齋買Kinect系統，今次Microsoft將會出多套Kinect連遊戲主機套裝，不過就唔係連同250GB主機，而係新推出的4GB版本Xbox 360主機，套裝價只需$2,499，同齋250GB Xbox 360主機售價差唔多，亦同樣11月18日公開發售。
Kinect Joy Ride
首次在港曝光的《Kinect Joy Ride》，可以扮揸住軚盤操控跑車比賽，而且跑車係自動波，唔使擔心轉波同踩Brake等問題。遊戲之中仲容許玩家在衝上跳台騰空的時間內做出各種特技動作加分，易上手之餘亦好有Fun。
Kinect Sports
遊戲中運動項目包括100米賽跑、標槍、跳遠等，但講到最受歡迎係可親身落腳踢的足球遊戲，唔需要太多體力勞動就夠過癮
科幻元素永遠是遊戲的大好題材，皆因可以天馬行空，為開發者及玩家帶來無限想像空間。由BioWare精心打造的《Mass Effect》三部曲，正是難得一見的龐大製作，當中玩家每一個選擇，都會左右劇情的發展，自由度遠勝一般RPG。
人生交叉點
遊戲以二十二世紀的未來世界為背景，話說人類已經發展成為銀河系高等文明種族，而玩家所扮演的銀河議會特遣部隊指揮官，為了追查遠古銀河系文明滅絕真 相，以及地球人殖民地頻頻發生的神秘失蹤事件，Commander Shepard率領覑麾下的精銳小隊，展開了一場橫跨整個銀河系的偉大冒險。
來到第二部曲，玩家的抉擇依然是遊戲關鍵，在模範與變節系統（The Paragon and the Renegade）之下，行動與對話時經常出現選擇分支。你既可以無惡不作成為人見人憎的壞蛋，也可以當個樂於助人的俠士，旅程中會左右劇情的變數極多， 一些重大的決定不但會影響個人也可能會關乎到全人類的生死存亡，極盡考驗判斷能力。
除了融合RPG的自由度及動作射擊戰鬥體驗，玩家還可嘗試自行設計角色造型、性別、力量與技能，甚至變更裝備顏色、材質與增加偽裝功能。假如在首部曲已經建立了角色，資料亦可以繼承到今集使用，以便再續這趟漫長的太空冒險。
N7遠征任務
除了豐富的冒險劇情之外，你亦可以領導船艦探索浩瀚的銀河系，例如前往宇宙中某個遙遠角落，當掃描不知名星球資料的時候，有可能會觸發「N7任務」，透 過進行這些支铫任務，將會對銀河系發展有更深入體會。「N7任務」內容通常是對付具有攻擊性的Collector種族，也有些是跟前作Reaper一族有 關連，雖說只是支铫任務，卻對持續強化自身及團隊能力大有幫助。
今集戰鬥部分亦作出悉心改良，讓玩家輕鬆指揮精英部隊，尋求掩護。其中新加入的精準射擊操控系統，便明顯提升了戰鬥流暢度，而全新分區傷害系統亦使攻防戰增添戰略性，讓你可以瞄準敵方弱點給予致命一擊。
《Mass Effect 2》
遊戲平台：Xbox 360
遊戲類型：動作RPG
語言：英語
售價：$319
網址：www.ea.com.hk
